HILI NDILO SWALI AMBALO LIMEISHINDA DUNIA ~Joas Yunus

 "Je unafahamu rangi ya Ndizi?

Kuna siku niliwauliza marafiki zangu  waniambie rangi ya ndizi maana ilinitatiza.Wakataka kujua kama hiyo ndizi ni ndizi iliyoiva (ripe banana) au Ndizi mbichi .Nikawaambia vyovyote vile nilitamani kujua rangi ya ndizi.

Walianza kutoa majibu yao kuwa rangi ya ndizi ni kijani kabla haijaiva na njano ikishakuwa imeiva.Aidha niliwapongeza kwa majibu yao mazuri kwa kuwa majibu yao yalitokana na vile walivyoona kwa macho yao na muonekano wa nje wa ndizi(basing to external observation).

Ukweli ni kwamba Watu wengi hawajui rangi ya ndizi .Rangi ya ndizi ni nyeupe .Maganda ya ndizi ndo yanaweza kuwa ya rangi tofauti tofauti.Kuna ndizi zingine zikiiva huwa na rangi nyingine kabisa na siyo rangi ya njano kama wengi wanavyojua lakini ndizi yenyewe ya ndani ina rangi moja dunia nzima.Kwa hiyo maganda ya ndizi ndo yana rangi tofauti.

Mfano huu unatufundisha kuwa Hakuna mtu anayekufahamu vizuri zaidi ya vile unavyojifahamu.Wanadamu wanakufahamu kwa namna wanavyokuona kwa nje lakini ulivyo ndani hawawezi kujua .Mwanadamu ana ukomo wake wa kukujua wewe. Hivyo wewe ndo unayejifahamu vizuri.

Kwa hiyo vile wanadamu wanavyofikiri upo inaweza kuwa kinyume chake kwa hiyo wewe ndo unauwezo wa kudhibitisha vinginivyo ili ule uhalisia wako uweze kuonekana .Uwezo na kila kitu kilichomo ndani yako hakiwezi kuoneka mpaka wewe mwenyewe uamue kukitoa .Leo amua kuonesha dunia kuwa vile wanavyodhani wewe uko sivyo ulivyo .

Watu wengi wanaweza kukudharau kuwa wewe huna chochote kumbe una kipaji ambacho wao hawakijui na wewe ndo unapaswa kukitoa na kukiweka wazi .Unao uwezo mkubwa tatizo hujaonesha dunia uwezo ulio nao .