MAHUSIANO

MAMBO YA KUFANYA BAADA YA KUVUNJA MAHUSIANO ILI KUPONYA MOYO ULIOJERUHIWA  ~Musa Kisoma

Nimeona wengi wakipoteza mwelekeo wa maisha, wakipoteza imani, wakiugua magonjwa ya moyo, wengine wamepata uchizi kabisa, nakumbuka mpenzi wangu wa kwanza alizimia siku tatu nilifikir angekufa lakini kwa sababu nilimuacha kwa faida yake mwenyewe nikakaza msimamo lakini ili tuponye nafsi zetu na kuwasaidia rafiki zetu, basi chukua hii

1.     Badili hisia zako kwa kubadili fikra zako. Amani kwamba unaweza kuzishinda hisia mbaya za huzuni, upweke, kukataliwa, hasira, uchungu, kujihukumu na wivu. Lazima utambue kwamba wakati mwingine Mungu huruhusu mambo yanayotesa moyo ili tubadili fikra zetu na mitazamo.

2.     Tambua kwamba Mungu Ndiye mfariji wa kweli. Wanawake wengi hujilazimisha au kujirahisisha kwa wanaume wengine ambao badala ya kuwafariji baadaye huja kuwaumiza zaidi ya mara ya kwanza. Wanaume wengi hutafuta vileo. Mtazame Mungu, mpe nafasi ya mpenz wako aliyekuacha.

3.     Usiharakishe kuingia kwenye mahusiano mapya. Hakikisha umepona moyo na kwamba una uhakika wa maamuzi ya kuanza upya mahusiano.

4.     Punguza muda wa kumfikiria ex wako, muda wa kumfikiria fikiri mambo yako ya kazi au mtafakari Mungu.

5.     Usikubali kuteswa na majuto kwa kujihisi huna sifa za kuwa na mtu mzuri. Msamehe ex wako na wewe muombe msamaha, ganga yajayo huku ukimtegemea Mungu. Kuwa makini wanaume wengi wanapenda kujisogeza kwa ex wao wanapata sex then wanakimbia, wanatake advantage ya maumivu yako au kama anajua bado unampenda na una matumaini kwamba mtarudiana.

6.     Endapo mliwahi kuachana na kurudiana then mkaachana tena, kurudiana kwa mara ya pili sio jambo jema, ni ishara kwamba mnaforce mapenzi au bado mna utoto wa hisia na akili.

7.     Usikate tamaa, bado Mungu amekuandalia wa kukufaa, utatoka utukufu hadi utukufu. Yaani utampata mwenye sifa nzuri nyingi zaidi ya ex wako.

8.     Usiombe ushauri kwa kila mtu, usiweke hisia zako wazi instagram na Facebook, utaalika wafariji feki waje wakuongezee maumivu.

9.     Kwa leo tuishie hapa, maelezo kwa kina utayapata kwenye kitabu changu mwezi wa

KWA MASWALI YAHUSUYO MAHUSIANO 0753469525

**********************************************************

KUJUA KUSUDI LAKO ILI UJENGE MAHUSIANO MAZURI

by adabert chenche 

Kusudi la kitu hutegemea ASILI, MUUNDO na USANIFU. Mungu amefanya kila kitu kwa kusudi lake. Mwanamke ameumbwa kama alivyo kwa kusudi, vilele vile kwa mwanamume.

Katika mambo muhimu sana ambayo Mungu Baba anapenda tuyajue vizuri ni mahusiano, katika mahusiano ndio mambo mema hutokea. Kama hujajua kusudi lako usiombe mke au mme.

KAMA BADO HAUJAJUA KUSUDI LAKO, USIOMBE MKE AU MME, OMBA KWANZA KUJUA KUSUDI LAKO, KISHA OMBA MKE.

Ukijua kusudi la maisha yako ni wazi kuwa hata mke au mme utakayempata atapatikana kutokana na kusudi lako. Si rahisi sana atoke nje ya kusudi lako, maana Mungu atamtayarisha kulingana na kusudi lako na si vinginevyo.

Kama kusudi halijulikani uharibifu haukwepeki.Pasipo na kusudi ni nyumba ya uharibifu.

NINI MAANA YA MAHUSIANO?

Mahusiano ni hali ya kuwa na ukaribu, ushirikiano, umoja, uhusiano, au ushirika na ufungamano katika hali na mazingira fulani ya kimaisha, yanaweza kuwa ya kikazi, kiurafiki, kijamii, kielimu na kindugu.

AINA ZA MAHUSIANO

Kuna aina nyingi za mahusiano katika makundi yake kama ifuatavyo:

1.     MAHUSIANO KATI YA MTU NA MUNGU. (Upendo wa Agape)

2.     MAHUSIANO KATI YA MTU NA MTU, Wakristo (Upendo wa Filia)

3.     MAHUSIANO KATI YA DADA NA KAKA, Kuelekea ndoa.(Upendo wa Eros)

MAHUSIANO YA DADA NA KAKA

Mahusiano katika eneo hili ni mahusiano ya kimapenzi (UPENDO),  ni ule ukaribu, upendo, ushirika, umoja, ufungamano uliopo kati ya kijana wa kiume na wa kike au msichana na mvulana yanayopelekea kuwa na ndoa.

Mfano: Wa viganja visivyoachana kabisa. Mahusiano mengine yanaweza yakaachana lakini MAHUSIANO YA MUNGU na MWANADAMU SI YA KUACHANA, na yale ya KAKA NA DADA KUELEKEA NDOA, WAKIFUNGA NDOA SI VEMA KUACHANA.

MASWALI 10 MUHIMU YA KUJIULIZA KABLA YA KUINGIA KATIKA MAHUSIIANO

1.   Kwa nini unataka kuingia kwenye mahusiano (kuoa au kuolewa?)
2.     Je? Unataka kuoa au kuolewa ili uwe mke au mme kabisa?
3.   Nini malengo yako katika ndoa?
4.      Je? Uko tayari kuwajibika kama mke au mme?
5.     Je? Uko tayari kushirikiana na mwenzako katika hali yoyote ile hadi kifo?
6.  Je? Uko tayari kuelewa na kukubali ndoa ni zaidi ya tendo la ndoa?
7.  Je? Uko tayari kudumisha ndoa yako hata kama hamkujaliwa watoto?
8. Je? Uko tayari kutambua ndoa ndio msingi wa mafanikio yako?
9.  Je? Uko tayari kuuacha ujana na kuwa mwanandoa?
10.     Je ? Uko tayari kuwakubali ndugu wa upande zote wawe ndugu zako wa karibu?

Ukimaliza kujiuliza maswali hayo fuata mambo ni muhimu ujue wito wako, kama wito wako ni ndoa fuata yafuatayo:

JINSI YA KUMPATA MWENZI MWEMA

1.     KUDUMU KATIKA MAOMBI ILI KUJENGA UHUSIANO IMARA NA MUNGU.

Ukiwa na uhusiano imara na Mungu, utawasiliana naye kupitia sala na maombi ili akupe mchumba mwema, ukiwa na mahusiano na MUNGU utajua hata sauti yake. Utajua tabia zake, kuja kwake na kujibu kwake.

[Nyumba na mali ni urithi apatao mtu kwa babaye; Bali mke mwenye busara, mtu hupewa na Bwana.]                                                                                                                     Mithali 19:14

Mchumba anaweza kupatikana katika mazingira ya:

ü UFUNUO (Mwanzo 24:14)

ü KIPAWA CHA AKILI, Kutumia akili bila kukurupuka. (Kumbukumbu 32:28-29)

ü AMANI INAYOAMUA NDANI (Wakolosai3:15)

Mithali 19:14

Mambo ya Lazima ya Kuangalia  kwa Unayemtarajia Kuwa Mchumba.

i.                   Imani

ii.                 Tabia

iii.              Uaminifu

iv.               Unyenyekevu (Utumishi)

v.                  Haki

vi.               Kiasi au Nidhamu

vii.             Upendo

MISINGI YA KUSIMAMIA ILI KUJENGA MAHUSIANO BORA

1.     JENGA MAHUSIANO YAKO JUU YA MWAMBA.

Upendo ukijengwa juu ya mwamba hakuna kitu au jambo la kubomoa. Jenga mahusiano yako juu ya mwamba. Jenga mahusiano yako kwa maombi. Omba ili Bwana akusaidie kumpata na baada ya kumpata jenga msingi juu ya maombi.

Kwa mfano: fikiri mwanamume anampata msichana kwa njia ya maombi, hebu fikiri kidogo unaonaje?

 [Mfano wake ni mtu ajengaye nyumba, na kuchimba chini sana, na kuweka msingi juu ya mwamba; na kulipokuja gharika, mto uliishukia nyumba ile kwa nguvu, usiweze kuitikisa; kwa kuwa imejengwa vizuri]              

Luka 6:48

2.     KUISHI UCHUMBA MTAKATIFU.

Kuishi uchumba mtakatifu ni wakati ambao Bwana anawafanyia ubikira mpya. (NEW VIRGINITY) Hii ni kutokana na mahusiano yoyote yale yaliyovunja Moyo wako. Vijana wengi wameingilia mapenzi na yameishia kuwaumiza na kuwavunja moyo kabisa.Mapenzi yana wakati wake ambao ukifika hakika yanatendeka vema. 

[Kwa kila jambo kuna majira yake, Na wakati kwa kila kusudi chini ya mbingu.]

Mhubiri 3:1

[Nawasihi, enyi binti za Yerusalemu, Kwa paa na kwa ayala wa porini, Msiyachochee mapenzi, wala kuyaamsha, Hata yatakapoona vema yenyewe.] Mfano: Paa ni mnyama anayeweza kukimbia km 96 kwa saa.

Wimbo Ulio Bora 2:7

3.     KUDUMU KATIKA KARAMA NA VIPAWA

Kudumu katika kusudi la Mungu hukupa wewe nafasi adhimu ya kumpata mtu wa namna yako. Unapozidi kumtumikia Mungu na kuzidi sana atakupa yule mtakayesaidiana naye katika huduma. Hii ndio kufanana. Kufanana  katika kutenda kazi ya Mungu na si vinginevyo.

 [Bwana Mungu akasema, Si vema huyo mtu awe peke yake, nitamfanyia msaidizi wa kufanana naye.]

Mwanzo 2:18